ماتدخلينى جنة الحواديت
وترجعينى طفل من تانى
فرحان بمنظر لمة الكتاكيت
على السطوح
والشمس فى يناير
والراديو داير ع الاغانى
وصوت
عبد الحليم طالع من المنور
ماتغرقينى فى دنيتك اكتر
جوه عبير العطر من صوتك
حتى سكوتك
يشبه الاحلام
باحلم على حجرك انام
وتفردى شالك غطا
وتفردى كفك يمام
يحط على قلبى الذى
ولا يوم عرف غير الالام
شدينى من وسط الزحام
ودينى دنيا بتبتدى بيكى الربيع
انا مش هاضيع
لوحضنك الدافى الوسيع
بيضمنى وقت البكا
9 comments:
السلام عليكم
يا ريت تزورنا و تقولنا رأيك
Trateesh Kalam
حلوه جداً
الموزون له طعم جميل لما يكون حلو ومن القلب
الله يفتح عليك
جميله جدا
الموزون برضه له طعم جميل لما الشعر يبقى طالع من القلب
الله يفتح عليك
جميله جدا
الموزون برضه له طعم جميل لما الشعر يبقى طالع من القلب
الله يفتح عليك
الله يكرمك يا امين
بجد انا مبسوطة جداااااا اني لقيت المدونة دي
بجد الكلام اكتر من رااائع
و اسلوب محترف
اتمني رأيك في مدونتي
احساسك جميل وخيالك رائع...بساطة تعليقى على اد بساطة كلماتك وجمالها
كمل وابدع واتحفنا
حليم
انا سعيد جدا برأيك متشكر جدا
Post a Comment